ឡានហោះរបស់ក្រុមហ៊ុន Boeing ទើបតែបានបញ្ចប់ការហោះហើរសាកល្បងដំបូងរបស់ខ្លួន

រថយន្តហោះដឹកអ្នកដំណើរ

កាលពីថ្ងៃអង្គារក្រុមហ៊ុនអាកាសចរណ៍ Boeing បានបញ្ចប់ការធ្វើតេស្តសាកល្បងដំបូង នៃរថយន្តដឹកអ្នកដំណើរស្វ័យប្រវត្តិរបស់ខ្លួន (PAV) ដែលជារថយន្តអាចហោះហើរបាន នៅឯកន្លែងមួយនៅក្នុងរដ្ឋ Virginia ។

យោងតាមសេចក្តីប្រកាសព័ត៌មានផ្លូវការមួយ បានឱ្យដឹងថា គំរូដើមដែលមាន ស្លាបស្ព័រ និង ម៉ាសុីនខាងក្រោយ បានបញ្ចប់ការហោះហើរ និង ពិនិត្យលើមុខងារស្វ័យប្រវត្តិ និង ប្រព័ន្ធត្រួតពិនិត្យដី។ បើនិយាយទៅពិភពលោកកុំពុងឈានទៅជិតរថយន្តហោះជាក់ស្តែង។

វីដេអូគំរូរថយន្តហោះ

រថយន្តហោះស្វ័យប្រវត្តិ (PAV)

PAV ត្រូវបានរចនាឡើង ដោយក្រុមហ៊ុនស្រាវជ្រាវស្រាវជ្រាវអាកាសចរណ៍ Aurora Flight Science និង ជាផ្នែកមួយនៃ Boeing NeXt ដែលជាក្រុមហ៊ុនឧបសម្ព័នផ្តោតលើការធ្វើដំណើរ តាមផ្លូវអាកាស។ គម្រោងផ្សេងទៀតរបស់ Boeing NeXt រួមមាន យន្តហោះដឹកទំនិញ គ្មានអ្នកបើកបរ ដែលអាចផ្ទុកទំងន់បានដល់ទៅ 500 ផោន (227 គីឡូក្រាម) ។ រថយន្តហោះ របស់ Boeing មានប្រវែង 9 មែត្រនិង អាចហោះបានចំងាយ 80,5 គីឡូម៉ែត្រ។

អ្វីដែលគួរកត់សំគាល់ វានឹងហោះហើរដោយខ្លួនឯង។ ក្រុមហ៊ុន Boeing បាននិយាយថា ទីបំផុតវានឹងមានសមត្ថភាព​ អាចការហោះហើរដោយស្វ័យប្រវត្តិយ៉ាងពេញលេញ ទាំងការហោះឡើង និងការចុះចត។

លោក John Langford អគ្គនាយកក្រុមហ៊ុនអាកាសចរណ៍ Aurora បាននិយាយនៅក្នុងសន្និសិទ្ធសារព័ត៌មានមួយថា “ស្វ័យភាពដែលអាចទទួលស្គាល់ជាផ្លូវការ នឹងធ្វើឱ្យភាពអាចទៅរួចនៃការដឹកអ្នកដំណើរលើអាកាសតាមទីប្រជុំជន អោយមានភាព ស្ងៀមស្ងាត់ ស្អាត និង សុវត្ថិភាព” ។

រំញោចដ៏អស្ចារ្យ

ការប្រណាំងប្រជែង ដើប្បីឧ្យរថយន្តហោះ ក្លាយទៅជាចរន្តទំនោថ្មីមួយ គឺទើបតែចាប់ផ្តើមឡើងកំដៅនៅឡើយទេ។ Vahana ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនអាកាសចរណ៍ Airbus ដ៏ធំមួយ បានបញ្ចប់ការធ្វើតេស្តសាកល្បង រថយន្តហោះលើកដំបូងរបស់ខ្លួន ពីកាលពីឆ្នាំមុន។ ក្រុមហ៊ុនអាកាសចរណ៍តូចៗមួយចំនួន កំពុងធ្វើការលើម៉ូដែលប្រកួតប្រជែងផងដែរ។

យើងកំពុងខិតជិតកាន់តែជិត ទៅអនាគតដែលមនុស្សម្នាក់ៗ នឹងអាចជិះឡាននៅលើអាកាសបាន។ នៅពេលដែលបច្ចេកវិទ្យាត្រូវបានសាកល្បងឱ្យបានហ្មត់ចត់ អនាគតរបស់វានឹងស្ថិតក្នុងដៃរបស់និយតករសហព័ន្ធ ហើយនិង អ្នកទីផ្សារ ដែលមានភារកិច្ចលក់ការធ្វើដំណើរអនាគតកាលនេះ ទៅឧ្យអតិថិជន។

Leave a Reply

Your email address will not be published. Required fields are marked *